Mechi nne zilizobaki ni mtego kwa Simba

Ligi kuu ya Vodacom inatarajiwa kuendelea baada ya michuano ya kombe la Chalenji kumalizika nchini Kenya.

Michuano hiyo ambayo Tanzania Bara na Zanzibar zinashiriki, itaanza keshokutwa Disemba 03 na kumalizika Disemba 17.

Michezo minne ya ligi kuu ya Vodacom itapigwa baada ya Disemba 17 huku Simba ikiwa na mtego kukamilisha michezo hiyo na matokeo mazuri.

Ni hivi, Simba itacheza michezo miwili nyumbani, miwili mingine ugenini.

Itaanza kwa kusafiri mkoani Mtwara kuivaa Ndanda FC kisha itarejea jijini Dar es salaam kuivaa Singida United.

Halafu itasafiri tena kwenda mkoani Kagera kuivaa Kagera Sugar kisha itarudi Dar kuivaa Majimaji.

Kama ratiba ya michezo hiyo itakuwa karibu karibu inaweza kuathiri matarajio ya kikosi cha Simba kupata alama nyingi kadiri inavyowezekana.

Muhimu viongozi wakaliangalia hilo kwa makini.

Hali ni tofauti kwa Yanga ambayo itacheza mchezo mmoja mkoani dhidi ya Mbao FC kisha kumalizia michezo yake yote mitatu jijini Dar es salaam.