Msafara wa kikosi cha Simba uliondoka mapema jana nchini Algeria, uliwasili salama Dubai ambapo wamelala hapo na leo Jumanne asubuhi wataunganisha Ndege ya kurejea nchini
Taarifa iliyotolewa na Simba imesema msafara huo unaongozwa na Mjumbe wa Kamati ya Utendaji ya TFF Ahmed Mgoyi ambaye pia ni Mwenyekiti wa Kamati ya Mashindano
"Msafara wa wachezaji, benchi la ufundi, baadhi ya viongozi wa klabu ukiongozwa na Mjumbe wa Kamati ya Utendaji ya TFF ambaye pia ni Mwenyekiti Kamati ya Mashindano, Ahmed Mgoyi umefika salama Dubai," ilisema taarifa ya Simba
"Leo usiku (jana) watalala kwenye Hoteli ya Kimataifa ya Dubai na asubuhi wataendelea na safari ya kurejea nyumbani Tanzania"
SImba inarejea nchini kukamilisha hatua ya makundi ya michuano ya ligi ya mabingwa barani Afrika ambapo Jumamosi, March 16 itashuka kwenye uwanja wa Taifa kuikabili As Vita Club katika mchezo ambao ushindi utaipeleka Simba hatua ya robo fainali
