Kocha Mkuu wa Simba Patrick Aussems amesema mchezo wa Jumamosi ijayo dhidi ya As Vita Club ni mchezo wa fainali kwao hivvyo amewataka mashabiki wa timu hiyo kujiandaa kujitokeza kwa wingi kushuhudia mchezo huo ambao utakuwa wa kihistoria
Baada ya kupoteza mchezo wa jana dhidi ya JS Saoura, Aussems amesema Simba ina kila sababu ya kushinda mchezo dhidi ya Vita Club hasa ikizingatiwa itakuwa ikicheza katika uwanja wake wa nyumbani
"Tuna nafasi nzuri ya kuingia robo fainali, tunahitaji kuwafunga Vita Jumamosi. Tunayo kila sababu ya kushinda mchezo huo, mashabiki wetu waje kutuunga mkono katika siku hiyo ya kihistoria," amesema Aussems
Mchezo dhidi ya Vita Club umepangwa kupigwa Jumamosi, March 16 2019 kwenye dimba la Taifa muda ukiwa saa moja jioni
Kikosi cha Simba bado kipo nchini Algeria ambapo leo wachezaji walifanya mazoezi maalum ya kuweka miili sawa baada ya mchezo wa jana
