Kila la kheri wekundu wa Msimbazi

Kikosi cha Simba kiko tayari kwa mchezo wa ligi ya mabingwa dhidi ya JS Saoura utakaopigwa leo saa nne usiku kwenye uwanja Agosti 20 huko Algeria

Simba ilitua katika mji wa Bechar jana na kufanya mazoezi ya mwisho tayari kwa mchezo huo muhimu kwa wawakilishi hao wa Tanzania

Mchana wa leo, wachezaji walipata chakula cha mchana pamoja na viongozi ambapo wachezaji wameendelea kuimarishwa kisaikolojia kupambana ili kupata matokeo mazuri kwenye mchezo huo

Simba inahitaji ushindi au hata matokeo ya sare ili kujiweka katika nafasi nzuri ya kutinga robo fainali

Watanzania wote, mashabiki na wasio mashabiki wa Simba wameaswa kuiombea timu ili iweze kufanya vizuri kwenye mchezo wa leo kwani mafanikio ya Simba huko Algeria ni mafanikio ya Tanzania