Kapombe kufanyiwa vipimo vya mwisho Afrika Kusini

Beki mahiri wa Simba Shomari Kapombe anatarajiwa kurejea nchini Afrika Kusini kufanyiwa vipimo kubaini mwenendo wa jeraha lake kabla ya kuruhusiwa kuanza mazoezi

Kapombe amekuwa nje ya kikosi cha Simba kwa miezi mitano akiuguza jeraha alilopata Afrika Kusini wakati akiwa kwenye kambi ya timu ya Taifa

Uongozi wa Simba umesema mchezaji huyo aliyekuwa akiendelea na program za matibabu hapa nchini, atarudi Afrika Kusini kwa ajili ya vipimo hivyo

"Shomari Kapombe anatarajiwa kurejea Afrika Kusini wiki hii kwa ajili ya vipimo vya mwisho kabla ya kuruhusiwa kuanza mazoezi mepesi," imesema taarifa ya Simba iliyotolewa mapema leo