Beki Paschal Serge Wawa ndiye aliyecheza michezo mingi zaidi katika kikosi cha Simba msimu huu ambapo kwa nyakati tofauti amecheza na walinzi tofauti
Baada ya kuumia Erasto Nyoni ambaye alikuwa 'pacha wake', katika michezo ya hivi karibuni Wawa amekuwa akicheza sambamba na Juuko Murshidi, Paul Bukaba au Yusufu Mlipili
Wawa amefichua kuwa huwa hana tatizo anapopangwa na walinzi hao vijana huku akibainisha kuwa anaamini uzoefu wake umekuwa ukiwaimarisha zaidi
"Mimi sichagui na huwa sina tatizo ninapopangwa na yeyote kati ya Bukaba, Juuko au Mlipili. Ninashirikiana nao vizuri na naamini nao wananufaika na uzoefu nilionao," amesema
Wawa kwa sasa ndiye beki tegemeo wa kikosi cha Simba.
Uwezo wake mkubwa wa kukaba kwa akili na kuwaongoza walinzi wenzie, umeifanya safu ya ulinzi ya Simba iwe ngumu kupitika kwenye ligi
Simba imeruhusu mabao saba tu kwenye ligi mpaka sasa
