Simba kurejea mazoezini Jumatatu

Kikosi cha Simba kinatarajiwa kurejea mazoezini Jumatatu baada ya mapumziko ya siku saba.

Kocha Msaidizi Masudi Djuma ndiye atakayesimamia mazoezi ya kikosi hicho kitakachowakosa wachezaji waliotwa na timu za Taifa kushiriki michuano ya Chalenji inayoanza siku ya Jumapili.

Aidha kocha Joseph Omog ameondoka nchini kuelekea kwao nchini Cameroon kushughulikia matatizo ya kifamilia.

Simba itakuwa inajiandaa na mchezo utakaofuata ambapo itakuwa mgeni wa Ndanda FC kwenye uwanja wa Nangwanda Sijaona mkoani Mtwara.