Simba yafanya mazoezi ya mwisho CCM Kambarage

Kikosi cha mabingwa wa soka Tanzania Bara Simba leo kimefanya mazoezi yake ya mwisho katika uwanja wa CCM Kambarage mkoani Shinyanga tayari kwa mchezo dhidi ya Stand United

Mchezo huo utapigwa kesho Jumapili katika uwanja huo

Meneja wa Simba Patrick Rweyemamu amesema wachezaji wote wako katika hali nzuri kuelekea mchezo huo

Simba iko mkoani Shinyanga tangu jana, iliwasili mkoani humo kutokea Singida ambako kikosi kiliweka kambi ya siku mbili kujiandaa na mchezo huo