Simba imeendeleza vipigo kwenye ligi kuu ya Tanzania Bara baada ya leo kuifumua Lipuli Fc mabao 3-1 katika mchezo uliopigwa uwanja wa Samora
Tangu kuingia kwa mwaka 2019 Simba haijapoteza mchezo wowote katika ligi sasa ikishinda mchezo wa tano mfululizo
Ilianza kwa kuifumua Mwadui Fc mabao 3-0, ikafuata Yanga 1-0, African Lyon 3-0, Azam Fc 3-1 na leo Lipuli Fc 3-1
Katika michezo hiyo mitano imefunga mabao 13 na kuruhusu mabao mawili pekee
Meddie Kagere Kagere leo amefunga bao la 12 na sasa yuko nyuma kwa bao moja tu dhidi ya kinara wa upachikaji mabao Salum Aiyee ya Mwadui Fc mwenye mabao 13
Simba inahitaji kushinda mchezo mmoja zaidi ili kuipiku Azam Fc iliyo nafasi ya pili huku ikiwa na michezo sita ya viporo
Ushindi katika michezo yote hiyo utaihakikishia Simba kuongoza ligi kwa tofauti ya alama tano dhidi ya Yanga
