Kikosi cha mabingwa wa soka Tanzania Bara, Simba leo jioni kinashuka uwanja wa Samora mkoani Iringa kuikabili Lipuli Fc katika mchezo wa ligi kuu
Simba iko mkoani Iringa tangu juzi ambapo jana jioni ilifanya mazoezi yake ya mwisho dimba la Samora kuelekea mchezo huo
Kocha Mkuu wa mabingwa hao watetezi Patrick Aussems amesema anafahamu mchezo huo hautakuwa mwepesi kutokana na ushindani uliopo baina ya timu hizo hata hivyo anaamini timu yake itaendeleza kasi yake ya ushindi
"Tunajua mchezo utakuwa mgumu. Lakini tumejiandaa na ukizingatia tumefanya vizuri katika michezo iliyopita, tunataka kuliendeleza hilo na tupo tayari," amesema Aussems
Mchezo wa leo utakuwa wa nne kuzikutanisha Lipuli na Simba tangu Lipuli ilipopanda daraja misimu miwili iliyopita
Michezo mitatu iliyopita ilimalizika kwa sare hivyo leo Simba ina kila sababu ya kuchukua alama zote tatu ili kuendelea kusogea kileleni mwa msimamo wa ligi
