TAARIFA KWA UMMA
Klabu ya Simba kwa masikitiko makubwa inapenda kutoa taarifa kwamba kumekuwa na watu wanaopita mitaani kutoa fomu za uanachama wa klabu yetu
Watu hao pia hutoa kadi za uanachama na wanayo mihuli 'feki' ya klabu ambayo huitumia kuhalalisha uovu wanaoufanya
Klabu inapenda kuutaarifa umma wa Wanasimba na Watanzania wote kwa ujumla, wanachofanya watu hao ni wizi na utapeli, kwa sasa klabu yetu imesitisha utoaji wa kadi za uanachama hadi tutakapotoa taarifa rasmi juu ya upatikanaji wa wanachama wapya hivi karibuni ambao pia watakuwa wanahisa
Ikitokea kiongozi wa klabu au mwanachama yoyote ambaye anashiriki kufanya 'ujambazi' huu itolewe taarifa kwenye kituo chochote cha Polisi kilicho karibu au klabuni Msimbazi
Imetolewa na...
Haji S. Manara
