Kikosi cha mabingwa wa soka Tanzania Bara Simba tayari kiko mkoani Iringa ambapo kesho Jumanne kitashuka katika uwanja wa Samora kuikabili Lipuli Fc katika mchezo wa ligi Kuu
Simba yenye alama 45 baada ya kushuka dimbani mara 18 itakuwa na nafasi ya kuendelea kusogea kileleni mwa msimamo kama itafanikiwa kuibuka na ushindi
Simba inakaribia kabisa kuipiku Azam Fc iliyo nafasi ya pili ikiwa na alama 50, huku hesabu zikiwa kuiondoa Yanga yenye alama 61 kileleni
Kocha Mkuu wa Simba Patrick Aussems amesema anatambua mchezo wa kesho hautakuwa mwepesi kutokana na uimara wa kikosi cha Lipuli lakini hesabu zake ni kupata alama tatu
Katika mchezo wa raundi ya kwanza uliopigwa uwanja wa Taifa jijini Dar es salaam, timu hizo zilitoka suluhu ya bila ya kufungana
Lipuli inayonolewa na Selemani Matola, tangu ilipopanda daraja misimu miwili iliyopita, haijapoteza mchezo dhidi ya Simba
Kikosi cha Simba leo kitajifua kwenye dimba la Samora kujiweka sawa tayari kwa mtanage huo wa kesho
