Mabingwa watetezi ligi kuu ya Tanzania Bara Simba wameendeleza wimbi la ushindi kwenye ligi hiyo baada ya leo kuifumua Azam Fc mabao 3-1 katika mchezo uliopigwa dimba la Taifa
Mapema tu katika dakika ya nne, Meddie Kagere aliifungia Simba bao la kuongoza akimalizia mpira uliokuwa umegonga mwamba ambao ulipigwa na John Bocco
Muda mfupi uliopita, Razak Abarora, mlinda lango wa Azam Fc alinusurika kuokata mpira kimiani baada ya shuti la Clatous Chama kumponyoka mikononi na kuuokota mpira huo katika mstari wakati ukielekea nyavuni
Bocco aliiongezea Simba bao la pili kwenye dakika ya 38 akimalizia kwa kichwa krosi murua ya Zana Coulibaly
Zana ameendelea kun'gara katika kikosi cha Simba, baada ya kuanza kwa kusuasua, sasa uwezo wake unadhihiri
Simba ilikwenda mapumziko ikiongoza kwa mabao 2-0
Katika kipindi cha pili Simba ilipunguza kasi na kuwapa nafasi Azam Fc kutawala mchezo huku vijana wa Aussems wakitumia mashambulizi ya kushitukiza
Kagere aliiongezea Simba bao la tatu kwenye dakika ya 78 akiachia shuti akiwa ndani ya 18
Hilo lilikuwa bao la 11 kwa Kagere sasa akiwa nyuma kwa bao moja dhidi ya vinara wa mabao kwenye ligi Salim Aiyee na Heritier Makambo wenye mabao 12
Bao la kufutia machozi kwa upande wa Azam Fc lilifungwa na Frank Domayo kwenye dakika ya 81
Ushindi huo umeifanya Simba ifikishe alama 45, alama tano nyuma ya Azam Fc inayoshika nafasi ya pili ikiwa na alama 50
Hata hivyo Simba ina michezo saba ya viporo
Mchezo unaofuta ni dhidi ya Lipuli Fc utakaopigwa Jumanne ijayo, Februari 26 mkoani Iringa
