Juuko, Kagere na Okwi kukosa mchezo dhidi ya African Lyon

Kikosi cha Simba leo jioni kinashuka kwenye uwanja wa Sheikh Amri Abeid kuikabili African Lyon katika mchezo wa ligi kuu ya Tanzania Bara

Katika mchezo wa leo Simba itawakosa washambuliaji wake vinara wa mabao Emannuel Okwi na Meddie Kagere ambao wana kadi tatu za njano

Aidha kocha Patrick Aussems amesema Mganda Juuko Murshidi alicheza mchezo dhidi ya Yanga akiwa na majeraha hivyo hatamtumia kwenye mchezo wa leo ili aweze kupona kabisa

Aussems amesema ana kikosi cha wachezaji 20 mkoani Arusha, anatarajiwa kufanya mabadiliko ya baadhi ya wachezaji kwa kuwapumzisha wale waliotumika zaidi

Baada ya mchezo wa leo, Ijumaa ya wiki hii Simba inakabiliwa na mchezo mwingine dhidi ya Azam FC