Simba yajifua uwanja wa Sheikh Amri Abeid

Kikosi cha Simba leo kimefanya mazoezi ya mwisho katika dimba la Sheikh Amri Abeid mkoani Arusha kujiandaa na mchezo dhidi ya African Lyon utakaopigwa kwenye dimba hilo kesho

Idadi kubwa ya mashabiki walijitokeza uwanjani hupo kushuhudia mazoezi ya mabingwa hao watetezi wa ligi kuu ya Tanzania Bara

Aidha, kuelekea mchezo huo, Kocha Mkuu wa Simba Patrick Aussems amesema atakifanyia mabadiliko kikosi chake kwa kuwapa nafasi baadhi ya wachezaji ambao hawakucheza mchezo dhidi ya Yanga juzi

Aussems amesema mabadiliko hayo yanalenga kuwapumzisha baadhi ya wachezaji waliotumika zaidi huku pia akipigia hesabu mchezo dhidi ya Azam Fc utakaopigwa Ijumaa, Februari 22 2019