Kikosi cha mabingwa wa soka Tanzania Bara Simba kiko mkoani Arusha tangu jana ambapo kesho Februari 19 kitashuka dimba la Sheikh Amri Abeid kuikabili African Lyon kwenye mchezo wa ligi kuu ya Tanzania Bara
Kutokana na wingi wa michezo ya viporo, Simba inakabiliwa na changamoto ya ratiba ambapo italazimika kucheza michezo mitatu katika kipindi cha siku saba.
Baada ya kuikabili African Lyon kesho, Simba itakuwa na siku mbili za kujiandaa kabla ya kuikabili Azam Fc katika mchezo utakaopigwa Februari 22
Ikimalizana na Azam Fc, Simba itasafiri kuelekea mkoani Iringa kwa ajili ya mchezo mwingine dhidi ya Lipuli Fc utakaopigwa Februari 26
Bodi ya ligi imesema michezo yote ya viporo itakamilishwa kabla ya kuanza kwa raundi ya 30
Timu zenye viporo vingi ni pamoja na Simba (11), Mtibwa Sugar (4), Azam Fc (4), Yanga (3), Singida United (3) na Mbeya City (3)
