Beki kisiki Mganda Juuko Murshid anatarajiwa kuwa sehemu ya kikosi cha Simba kitakachoikabili Yanga katika mchezo wa ligi kuu ya Tanzania Bara utakaopigwa kesho dimba la Taifa licha ya kuibua sintofahamu jana
Katika mazoezi ya jana, Juuko alifanya mazoezi ya peke yake sababu ikiwa ni majeraha aliyopata kwenye mchezo dhidi ya Al Ahly
Hata hivyo beki huyo asiye na maneno mengi amesema yalikuwa ni maumivu ya kawaida na atakuwa sawa kwa ajili ya mchezo wa kesho
Aidha kocha Mkuu wa Simba Patrick Aussems amethibitisha kuwa Juuko atakuwa sawa na hana wasiwasi atamtumia kwenye mchezo huo
Juuko amekuwa nguzo ya safu ya ulinzi ya Simba akishirikiana na Paschal Wawa 'Sultan' hasa baada ya kuumia Erasto Nyoni ambaye nae ameanza mazoezi mepesi
Nyoni hatarajiwi kucheza kesho kwani atahitaji muda zaidi kuimarisha mwili wake baada ya kuwa nje kwa zaidi ya wiki tatu kutokana na majeraha ya goti
