Mchezo wa keshokutwa kati ya Yanga na Simba utakaopigwa uwanja wa Taifa, Simba haitakuwa na kiungo wake mshambuliaji Shiza Kichuya ambaye ni wiki iliyopita tu alijiunga na Pharco Fc ya Misri na kutolewa kwa mkopo klabu ya ENPPI inayoshiriki ligi kuu nchini humo
Kichuya ameweka rekodi ya kipee katika michezo ya 'derby' akiwa amefunga kwenye michezo mitatu mfululizo
Lakini licha ya kuwa hayuko na Simba kwa sasa, Kichuya ameitakia kheri timu yake hiyo ya zamani ambayo ndiyo iliyompa nafasi ya kuonekana na baadae kumuuza nchini Misri
Kichuya amesema anaamini Simba ina nafasi ya kuibuka na ushindi kwenye mchezo huo huku akiwataja John Bocco, Meddie Kagere na Emmanuel Okwi kuwa lazima watapeleka kilio Jangwani
Amesema hata hivyo mchezo huo hautakuwa mwepesi kutokana na presha ya nje ya uwanja ambayo hupelekea hali kubwa ya ushindani
"Simba ina nafasi kubwa ya kushinda Jumamosi kutokana na ubora wa kikosi chake," amesema Kichuya
"Sisemi kama Yanga ni wabovu, lakini naamini Simba ina nafasi zaidi. Ina washambuliaji kama Bocco, Kagere na Okwi wanaoweza kuipa matokeo wakati wowote wakati Yanga inawategemea zaidi Makambo na Ajib"
"Muhimu Simba isiingie kwa presha, wacheze kwa makini naamini watashinda"
