Simba yaanza maandalizi ya 'dozi' ya Yanga

Baada ya ushindi wa bao 1-0 dhidi ya Al Ahly jana, kikosi cha Simba leo kimeendelea na mazoezi kwenye uwanja wa Boko Veterans kujiandaa na mchezo dhidi ya Yanga utakaopigwa Jumamosi, Februari 16 katika dimba la Taifa

Kocha Mkuu wa Simba Patrick Aussems hakutaka kuwahamisha wachezaji wake kwenda nje ya jiji la Dar es salaam kwa ajili ya maandalizi ya mchezo huo

Hii itakuwa mara ya pili kwa Simba kujiandaa na mchezo dhidi ya Yanga ikiwa katika jiji la Dar es salaam

Katika mchezo wa mzunguuko wa kwanza, Simba pia haikutoka nje ya jiji la Dar es salaam

Wakati Simba ikijifua jijini Dar es salaam, wapinzani wao Yanga wamejichimbia mkoani Morogoro