Baada ya ushindi wa bao 1-0 dhidi ya vigogo wa Afrika Al Ahly hapo jana, msemaji wa klabu ya Simba Haji Manara amewataka wachambuzi wa soka nchini waiheshimu timu hiyo na kutambua kuwa lolote linaweza kutokea katika mchezo wa mpira wa miguu
Manara amesema wapo baadhi ya wachambuzi waliinyima nafasi ya kufanya vizuri Simba kwenye kundi D baada ya kuwa imepangwa na Al Ahly, Vita Club na JS Saoura
Hata hivyo baada ya kukamilika kwa michezo ya mzunguuko wa nne hapo jana, Simba inashika nafasi ya pili ikiwa na alama sita nyuma ya Al Ahly yenye alama saba
"Zipo wapi zile asilimia mia nane kuwa Simba itakuwa kibonde wa timu zote Kwenye group letu? Hebu muwe mnaufahamu mchezo huu na miiko yake na muache kuropoka," amesema Manara
"Soka sio mchezo kama Draft wakati mwingine hutoa matokeo ya kushangaza kidogo na hupaswi kumdharau yoyote yule na ndio maana tulifungwa hata na Mashujaa!! Kwa sasa sio tu tunayo nafasi ya kufuzu Robo fainali bali tunaweza hata kuongoza kundi sisi underdog!!"
