Imethibitishwa wingi wa mashabiki uwanjani huongeza hamasa na morali ya wachezaji kuwafanya wacheze kwa kujituma zaidi
Hii ndiyo sababu inayosema kuwa mashabiki ni wachezaji wa 12 uwanjani
Simba inao uwezo wa kuifunga Al Ahly leo, wingi wa mashabiki utachangia kwa kiasi kikubwa kuwezesha hili
Mashabiki watakaoingia uwanjani pia wameaswa wasikae kimya. Ushangiliaji unapaswa uendelee kwa muda wote wa mchezo
Matokeo ya ushindi leo yana maana kubwa kwa Simba na Tanzania pia
Kwa wale wasiofahamu, Simba ikifanikiwa kutinga nusu fainali ya michuano ya ligi ya mabingwa mwaka huu, msimu ujao idadi ya timu kutoka Tanzania zitakazoshiriki michuano hiyo zitaongezeka
Kwa muda mrefu Tanzania tumepewa nafasi mbili tu kwenye michuano ya CAF, moja ligi ya mabingwa na nyingine kombe la Shirikisho. Hii ni kutokana na timu zetu kutofika mbali katika michuano hiyo
Kuna nchi zimepewa hadi nafasi nne, Misri ikiwa mojawapo kutokana na mafanikio ya timu zake katika michuano ya kila mwaka
Hata Zambia mwaka huu wameingiza timu mbili kwenye michuano ya ligi ya mabingwa kutokana na mafanikio ya ZESCO United misimu miwili iliyopita
Watanzania wote wameaswa kuiunga mkono Simba katika mchezo wa leo kwani mafanikio yake ni mafanikio ya Tanzania
