Hakuna mabadiliko ya muda mchezo ni saa kumi Alasiri - Manara

Msemaji wa klabu ya Simba Haji Manara amesema hakuna mabadiliko ya muda wa mchezo wa ligi ya mabingwa kati ya Simba dhidi ya Al Ahly utakaopigwa kesho Jumanne kwenye uwanja wa Taifa

Kufuata taarifa iliyotolewa na baadhi ya vyombo vya habari kuwa mchezo huo utapigwa saa moja jioni, Manara amesisitiza kuwa muda ni ule ule yaani saa kumi kamili Alasiri

Amewataka mashabiki wa Simba kununua tiketi zao mapema ili kuepuka usumbufu wa aina yoyote unaoweza kujitokeza hapo kesho

Leo uongozi wa Simba leo ulikutana kufanya maandalizi ya mwisho kuelekea mchezo huo ambao ushindi ndio matokeo yanayohitajika zaidi ili kuweka hai matumaini ya kutinga robo fainali kwa Simba