Mapema leo aliyekuwa Makamu wa Rais wa Shirikisho la Mpira wa Miguu Tanzania (TFF) Michael Wambura kupitia kwa Wakili wake Emmanuel Augustine Muga alitangaza rasmi kuachana na masuala ya uongozi wa mpira wa miguu huku akitangaza kuondoa kesi zote zilizokuwa Mahakamani baina yake na TFF
Muda mfupi baada ya Wakili wake kutoa taarifa hiyo, Wambura alipandishwa Mahakama ya Hakimu Mkazi Kisutu jijini Dar es salaam akikabiliwa na Mashitaka 17 yakiwemo ya kughushi, kuwasilisha nyaraka za uongo na kutakatisha fedha
Kesi hiyo namba 10/2019 itatajwa tena Februari 14 2019 na Wambura amepelekwa rumande baada ya kukosa dhamana
Hivi karibuni, baada ya kushinda Rufaa ya kuondolewa wadhifa wake wa Makamu wa Rais wa TFF, Shirikisho la mpira la mpira duniani (FIFA) lilikazia Maamuzi ya TFF ya kumfungia maisha kutojihusisha na masuala ya mpira wa miguu
Hata hivyo Wambura alikwenda Mahakamani kupinga hukumu hiyo akikazia uamuzi wa Mahakama Kuu kumrejesha katika wadhifa wake kabla ya leo kuamua kufuta kesi na kuachana na masuala ya uongozi wa soka
