Mwishoni mwa wiki Mwekezaji wa klabu ya Simba Mohammed Dewji 'Mo' ambaye ndiye Mwenyekiti wa Bodi ya Wakurugenzi ya klabu hiyo aliwataka wachezaji wa Simba kutambua thamani ya jezi ya klabu hiyo.
Mo alitamka bayana kuwa wachezaji wavivu ambao hawajitumi na wasio na nidhamu hawatakuwa na nafasi msimu ujao
Mo alibainisha kuwa Simba imedhamiria kuachana na wachezaji wasiokuwa na faida kwa timu hiyo mwishoni mwa msimu. Lakini kwa sasa bado wana nafasi ya kujisahihisha na kuushawishi uongozi wa timu hiyo kuendelea kuwa nao
Kauli hiyo ya Mo imewaingia wachezaji wa Simba ambao kesho wameapa kushinda mchezo dhidi ya Al Ahly
Nahodha wa Simba John Bocco amesema mchezo wa kesho una umuhimu wa kipekee kwao wachezaji na Wana Msimbazi wote
"Mchezo dhidi ya Al Ahly una umuhimu wa kipekee kwetu. Tunahitaji kushinda ili tuwe na nafasi ya kutinga hatua inayofuata," amesema Bocco
"Hatukufanya vizuri kwenye michezo miwili iliyopita lakini kesho tuna nafasi ya kusahihisha makosa yetu. Tunawaomba mashabiki waje kwa wingi uwanjani, hatutawaangusha"
Mchezo dhidi ya Al Ahly ambao utapigwa kesho Jumanne katika uwanja wa Taifa, unatarajiwa kuanza saa kumi kamili jioni
Wengi walitamani mchezo huo upigwe mapema zaidi hata hivyo Shirikisho la soka Barani Afrika (CAF) limeweka msisitizo kwa michezo yote kuanza kuda wa saa kumi na kuendelea
