Ismailia yarudishwa ligi ya mabingwa

Shirikisho la soka barani Afrika (CAF) limetengua uamuzi wake wa awali wa kuiondosha Ismailia ya Misri kwenye michuano ya ligi ya mabingwa na kuirudisha timu hiyo katika mashindano hayo

Awali Ismailia iliondoshwa kwenye michuano ya ligi ya mabingwa baada ya mashabiki wake kufanya vurugu kwenye mchezo dhidi ya Club Africain uliomalizika kwa wenyeji kuchapwa mabao 2-1

Taarifa iliyotolewa na CAF jana imebainisha kuwa timu hiyo imeshinda rufaa yake hivyo itaendelea kushiriki michuano hiyo ambayo inaingia raundi ya nne kesho

Ismailia iko kundi C pamoja na CS Constantine, TP Mazembe na Club Africain