Msemaji wa klabu ya Simba Haji Manara amewataka mashabiki wa timu hiyo wajitokeze kwa wingi uwanja wa Taifa siku ya Jumanne ambayo Simba itashuka dimbani hapo kuikabili Al Ahly kwenye mchezo wa ligi ya mabingwa barani Afrika
Manara amesema anatambua mchezo huo utakuwa mgumu lakini anafahamu sio jambo rahisi kwa timu yoyote kuifunga Simba mbele ya mashabiki wake
"Tunakwenda kuwakabili Al Ahly tukijua ni mchezo mgumu lakini Simba sio timu ya kufungwa nyumbani kirahisi," amesema Manara
"Tutatafuta alama tatu kwa ari kubwa kuliko Ahly wanavyofikiria"
"Lakini muhimu tujue silaha yetu kuu ni nguvu ya Mashabiki pale Taifa. Hakuna namna yoyote ya kushinda huu mchezo kama Wanasimba hawatajitokeza kwa wingi Uwanjani Jumanne hii"
"Na kwa nini usije uwanjani wakati tumeweka viingilio rahisi?"
Kiingilio cha chini kabisa kwa Mzunguuko ni Tsh 2,000/- wakati VIP A ni Tsh 15,000/- na VIP B ni Tsh 10,000/-
