Imeripotiwa kuwa Uongozi wa Simba uko kwenye mazungumzo na kocha wa KMC Etienne Ndayiragije anayetajwa kukaribia kuchukua mikoba iliyoachwa na Masudi Djuma kuwa kocha msaidizi wa Simba
Tangu imtimue Djuma mwezi Oktoba mwaka jana, Simba haikuwa na kocha msaidizi ambapo kocha Mkuu Patrick Aussems amekuwa akifanya kazi peke yake kwa zaidi ya miezi mitatu
Ndayiragije aliyewahi kuinoa Mbao FC kwa mafanikio makubwa mwaka 2017 akiifikisha fainali ya michuano ya kombe la FA, pia amekuwa na mafanikio na kikosi cha KMC kinachoshika nafasi ya tano kwenye msimamo wa ligi
Jina lake lilipendekezwa kwenye kikao cha Bodi ya Wakurugenzi kilichofanyika juzi jijini Dar es salaam
Baada ya timu kukabiliwa na matokeo mabaya katika michezo miwili ya michuano ya ligi ya mabingwa, wadau waliushauri uongozi wa Simba kumtafutia Aussems kocha msaidizi kwani kuendelea kumuacha afanye kazi peke yake halikuwa jambo jema
