Bado sijakata tamaa - Mo

Mwekezaji wa klabu ya Simba Bilionea Mohammed Dewji 'Mo' amesema ameumizwa na matokeo ya Simba ya vipigo katika michezo miwili ya michuano ya ligi ya mabingwa barani Afrika

Hata hivyo amesema hawezi kukata tamaa kwa kuwa hata Roma haikujengwa kwa siku moja

"Roho yangu bado inaniuma. Naipenda sana Simba, na bado sijakata tamaa. Roma haikujengwa kwa siku moja," ameandika Mo kwenye ukurasa wake wa Instagram

Simba ilifungwa mabao 5-0 na Vita Club kisha kufungwa tena mabao 5-0 na Al Ahly juzi matokeo ambayo yamewaumiza Wana Msimbazi wote wanaoipenda timu yao

Mabingwa hao wa Tanzania Bara watakuwa na nafasi ya kulipa kisasi dhidi ya timu hizo zitakapokuja kucheza kwenye dimba la Taifa jijini Dar es salaam