Kocha Mkuu wa Simba Patrick Aussems amesema timu yake bado ina nafasi ya kufanya vizuri na hata kukata tiketi ya kutinga robo fainali ya michuano ya ligi ya mabingwa kama itashinda michezo miwili ya nyumbani.
Kuhakikisha hilo linafanikiwa Aussems amesema mchezo wa wiki ijayo dhidi ya Al Ahly utakaopigwa Jumanne ya Februari 12 uwanja wa Taifa ni muhimu kushinda
Licha ya kukiri kuwa Al Ahly ilikuwa bora katika mchezo wa juzi ambao Simba ilikubali kufungwa mabao 5-0, Aussems amesema makosa ya wachezaji wake yalichangia kwa kiasi kikubwa kufungwa idadi hiyo ya mabao
Aussems amesema wakati wa mapumziko walifanyia kazi mapungufu yaliyojitokeza katika kipindi cha kwanza na ndio maana kwenye kipindi cha pili hawakuruhusu bao
Amesema wiki ijayo wataendelea walipoishia na kwa kuwa watakuwa wakicheza katika uwanja wa nyumbani, uwezekano wa kushinda mchezo huo upo
Simba inatarajiwa kurejea leo jijini Dar es salaam kuanza maandalizi ya mchezo huo wa raundi ya nne kundi D
Kabla ya kuchuana na Al Ahly, Simba inatarajiwa kucheza na Mwadui Fc katika mchezo wa ligi kuu ya Tanzania Bara utakaopigwa Februari 07 kwenye uwanja wa Taifa
