Kikosi cha Simba kilichoanza jana kwenye mchezo dhidi ya Al Ahly kilikuwa na wachezaji nane wa kigeni huku watatu pekee wakiwa wazawa
Katika kikosi hicho ni Aishi Manula, Jonas Mkude na Rashid Juma waliokuwa katika kikosi kilichoanza ambao walikuwa wazawa.
Hata hivyo 'maproo' hao wameshindwa kudhihirisha umuhimu wao
Aidha hata katika mchezo dhidi ya Vita Club licha ya idadi kubwa ya maproo, bado Simba haikunufaika na uwepo wao
Moja ya vigezo vilivyotumiwa na TFF katika kuongeza idadi ya usajili wa wachezaji maproo kutoka saba mpaka kumi, ni kuimarisha timu za Tanzania hasa zinazoshiriki michuano mikubwa ya Afrika
Wadau mbalimbali wameushauri uongozi wa klabu ya Simba kuandaa utaratibu mzuri wa kutafuta wachezaji wa kigeni kuliko utaratibu huu wa sasa ambao wachezaji wanaletwa na watu badala ya timu
Simba inapaswa kuwa na kitengo maalum cha kufuatilia mienendo ya wachezaji (scouting) wanaotaka kuwasajili. Timu nyingine huwafuatilia wachezaji mpaka miaka mitatu kabla ya kuwasajili
Hivi karibuni Simba imeleta wachezaji wa kigeni kwa ajili ya kuwafanyia majaribio. Utaratibu huu ulipondwa na wadau kwa kuwa mchezaji mzuri anapaswa awe ameonekana kabla ya kumsajili
Wachezaji hawa wa majaribio wanaweza kufanya vizuri wakati huo lakini wakishasajiliwa, viwango vyao halisi ndio hubakia
Mwekezaji wa klabu ya Simba Bilionea Mohammed Dewji 'Mo' ana ndoto ya kuifanya Simba kuwa klabu bingwa Afrika. Viongozi wa Simba wanapaswa kutengeneza mfumo mzuri wa kupata wachezaji watakaoweza kufanikisha hili
Mo amekuwa tayari kutumia fedha kuhakikisha Simba inafikia malengo hayo.
Kikosi hiki cha sasa cha Simba kimegharimu takribani Bil 1.3 lakini nadhani bado kinahitaji maboresho makubwa ili kuweza kufikia kiwango cha kuchuana na vigogo wa Afrika katika kuwania ubingwa
