Mkuu wa Habari wa klabu ya Simba Haji Manara amesema kipigo cha jana dhidi ya Al Ahly kimemuumiza kila Mwana Msimbazi lakini jambo la msingi ni kutokata tamaa hasa ikizingatiwa bado Simba ina michezo miwili nyumbani
Manara amesema kimahesabu, Simba bado ina nafasi ya kusonga mbele hatua inayofuata kama itashinda michezo miwili ya nyumbani dhidi ya Al Ahly na Vita club
"Poleni sana Wanasimba wote. Najua mnavyojisikia sasa ila niwaambie hesabu zipo kwetu"
"Kama ninavyowaambia mara zote,lazima tupate alama tisa za nyumbani."
"Ndio, tukifanikiwa kushinda mechi mbili zilizobaki za nyumbani,wanaowacharura leo watawapa hongera," ameandika Manara kwenye ukurasa wake wa Instagram
Simba itarudiana na Al Ahly wiki ijayo katika mchezo utakaopigwa uwanja wa Taifa kabla ya kuelekea nchini Algeria kuikabili JS Saoura
Simba itamaliza mchezo wake wa mwisho katika dimba la Taifa kwa kuikabili Vita Club kutoka DR Congo
