Kocha wa Al Ahly Martin Lasarte amesema mchezo wa leo wa ligi ya mabingwa dhidi ya Simba hautakuwa mwepesi kutokana na kila timu kutaka alama tatu huku akilia na kikosi chake kuwa na wachezaji wengi majeruhi
Aidha kocha huyo raia wa Uruguay anadai wachezaji wake wana uchovu kwa kuwa wamekuwa wakishuka dimbani kila baada ya siku tatu
Al Ahly inaweza kuwakosa baadhi ya wachezaji wake wa kikosi cha kwanza ambao ni majeruhi
Wachezaji ambao wataukosa mchezo huo ni Ahmed Fathy, Walid Soliman na Mohammed Naguib.
Wengine walio kwenye hatihati ya kukosa mchezo huo kutokana na kuwa majeruhi ni pamoja na Ramadhan Sobhi, Yasser Ibrahim na Hamdy Fathy
Aidha timu hiyo imethibitisha nahodha wake Hossam Ashour aliyekuwa majeruhi amerejea kikosini na atakuwa sehemu ya wachezaji watakaoshuka dimbani kuikabili Simba leo
