Baada ya tukio la baadhi ya wachezaji Simba kudaiwa kutoroka kambini usiku na kwenda 'kujirusha' siku moja kabla ya mchezo wa michuano ya SportPesa Cup dhidi ya Bandari Fc, jana Simba imetangaza kumteua Patrick Rweyemamu kuwa Meneja wa timu hiyo
Nafasi hiyo ilikuwa ikikaimiwa na Abbasi Ally tangu TFF ilipomfungia mwaka mmoja aliyekuwa Meneja wa timu hiyo Robert Richard
Mbali na majukumu mengine, Rweyemamu amepewa kazi maalum ya kuhakikisha anarejesha nidhamu ya baadhi ya wachezaji katika mstari
Rweyemamu aliye na taaluma ya ukocha, sio mgeni katika klabu ya Simba.
Aliwahi kuwa Meneja wa kikosi cha Vijana cha Simba kilichotoa nyota wengi wakiwamo Jonas Mkude, Ibrahim Ajib, Said Ndemla, Marcel Kaheza na wengineo wengi
Rweyemamu ametangulia nchini Misri na baadhi ya viongozi kuweka maandalizi kwa ajili ya mapokezi ya kikosi cha Simba nchini humo.
Simba inaondoka leo jioni kwenda Misri
