Uongozi wa klabu ya Simba umethibitisha uteuzi wa Meneja mpya wa klabu hiyo Patrick Rweyemamu huku Abbas Ally aliyekuwa akikaimu nafasi hiyo akirejeshwa katika majukumu yake ya awali ya uratibu wa timu
Katika hatua nyingine, kikosi cha Simba kitaondoka kesho Jumanne, Januari 29 2019 kuelekea nchini Misri kuikabili Al Ahly kwenye mchezo wa ligi ya mabingwa
Wachezaji 20 na viongozi wakiwemo wa benchi la Ufundi wataondoka kesho jioni
"Uongozi wa klabu ya Simba katika kuogeza ufanisi wa timu umemteua Ndg. Patrick Rweymamu kuwa meneja wa muda wa timu ya Simba, huku Ndg. Abbas Ally akiendelea na majukumu yake ya awali ya kuwa mratibu wa timu, imesema taarifa ya Simba
"Wakati huohuo kikosi cha wachezaji ishirini (20) na benchi la ufundi wakiambatana na viongozi kadhaa wataondoka kesho jioni January 29, 2019 kuelekea nchini Misri kwa ajili ya kucheza mchezo wa hatua ya makundi ya ligi ya mabingwa Afrika dhidi ya klabu ya Al Ahly.
"Simba itaondoka kwa shirika la ndege la Ethiopia kwa kupitia Addis Ababa, Ethiopia na kisha kuelekea mjini Alexandria, Misri ambapo mchezo huo unatarajia kuchezwa siku ya Jumamosi February 2, 2019"
