Msemaji wa klabu ya Simba Haji Manara jana ilikuwa siku maalum kwake baada ya kuzindua Taasisi ya kuwasaidia watu wenye ulemavu wa ngozi inayofahamika kwa jina la Haji Manara Foundation na pia kuzindua pafyum inayofahamika kwa jina la De La Boss
Hafla ya uzinduzi huo ilifanyika Hotel ya Hyatt Regency jijini Dar es Salaam na kuhudhuriwa na watu mbalimbali wakiwemo viongozi wa Serikali, waandishi wa habari, mashabiki na wachezaji na wawakilishi wa makundi mbalimbali
Hafla hiyo ambayo nusura imuingize Manara katika mgogoro na baadhi ya mashabiki wa Simba , ilifana sana
Manara amemshukuru Mwenye ez Mungu kwa kumuwezesha kufanikisha tukio hilo la kihistoria katika maisha yake
Amewaasa wale wote wanaotafuta mafanikio wasichoke kwani hakuna linaloshindikana chini ya jua
"Chini ya hili jua kila kitu kinawezekana,ni kuwa na dhamira,kujipanga,kuwa na nia njema na moyo mpana,lakini kubwa kujiweka na Mungu," amesema
Awashukia wanaomchonganisha na Simba
Katika hatua nyingine Manara amesema lipo kundi la watu linapotosha kile alichozungumza siku chache zilizopita kuwa aliwatukana mashabiki wa Simba
Manara amesema baada ya Simba kufungwa na Bandari Fc kuna shabiki alimtukana matusi makubwa na ndio huyo alikuwa akipambana nae
"Mimi siwezi na sijawaita Mashabiki wa Simba ni wapumbavu", amesema Manara
"Nimetaja neno pumbavu kwa mtu aliyenitukania mama yangu matusi mazito yasioandikika.
"Msilishwe matango pori na watu wenye chuki na hasadi, ninatoa Milioni tano kwa mtu yoyote atakaeisambaza clip inayoonyesha mm nimesemema Washabiki wa Simba wapumbavu"
