Ujumbe uliwafikia wachezaji wa Simba jana

Jana katika mchezo wa kusaka nafasi ya tatu kati ya Simba dhidi ya Mbao Fc, mashabiki wachache wa wekundu wa Msimbazi waliojitokeza uwanjani walionyesha hasira zao kwa wachezaji wa timu hiyo kwa kushindwa kufanya vizuri kwenye michuano ya SportPesa Cup

Mwanzoni mwa mchezo huo mashabiki walianza kwa kuishangilia Mbao Fc huku wakiwazomea wachezaji wa Simba kila walipofanya makosa

Hali hiyo ni kama iliwaongezea 'mzuka' wachezaji wa Simba walioupiga mpira 'mwingi' licha ya kushindwa kufunga bao

Baadhi ya mashabiki walibeba mabango ili kuwafikishia ujumbe wachezaji kuwaonyesha kuwa hawafurahishwi matokeo ya timu

"Mishahara mnapata, baga na pizza mnakula lakini uwanjani mnazingua," moja ya bango lilikuwa na ujumbe huo