Simba kujiuliza kwa Mbao Fc leo

Mabingwa wa soka Tanzania Bara Simba mchana wa leo Jumapili Januari 27 watashuka katika dimba la Taifa kuikabili Mbao Fc kwenye mchezo wa kusaka mshindi wa tatu, michuano ya SportPesa Cup

Mchezo huo utapigwa saa nane mchana ukifuatiwa na mchezo wa fainali kati ya Bandari Fc dhidi ya K. Sharks

Simba na Mbao Fc zote kutoka Tanzania zitachuana kuwania nafasi ya tatu ambapo mshindi atapata dola 7,500 ambazo ni zaidi ya Mil 18

Kocha Mkuu wa Simba Patrick Aussems huenda akautumia mchezo huo kuwapa nafasi wachezaji waliokosa michezo miwili iliyopita na pia wale walio katika majaribio