Kocha Mkuu wa Simba Patrick Aussems amesema timu yake imepoteza mchezo dhidi ya Bandari Fc kwa kufungwa mabao 2-1 lakini ilitengeneza nafasi nyingi, bahati haikuwa upande wao.
Aussems amesema ulikuwa ni mchezo wa wazi, Bandari Fc ilitumia nafasi lakini Simba haikufanya hivyo ndio maana ikapoteza
"Tulijaribu kutengeneza nafasi lakini bahati haikuwa upande wetu, mchezo huu umepita na sasa tunajipanga na michezo iliyopo mbele yetu," amesema
Keshokutwa Simba itacheza na Mbao Fc kusaka nafasi ya tatu kabla ya kuelekea nchini Misri kuikabili Al Ahly katika mchezo wa raundi ya tatu ligi ya mabingwa barani Afrika
Mabingwa hao watetezi ligi kuu ya Tanzania Bara wanashika nafasi ya tatu katika msimamo wa kundi D wakiwa na alama tatu sawa na Vita Club
Bado matumaini ya kutinga robo fainali yapo na Aussems ameipa michuano hiyo kipaumbele zaidi ya hii ya SportPesa ambayo aliitumia kujaribu wachezaji wanaotaka kusajiliwa
