Mbao Fc nayo imetolewa katika michuano ya SportPesa Cup baada ya kuchapwa kwa mikwaju ya penati 6-5 kufuatia matokeo ya suluhu ya bila kufungana dhidi ya K. Sharks
Imekuwa timu ya mwisho kutoka Tanzania kuiaga michuano hiyo ambayo imeendelea kutawaliwa na timu kutoka nchini Kenya
Mapema Simba iliyokuwa inapewa nafasi ya kutwaa ubingwa iliondoshwa na Bandari Fc kwa kuchapwa mabao 2-1
Simba na Mbao Fc sasa zitacheza mchezo wa kusaka mshindi wa tatu wakati fainali ya michuano hiyo itakayopigwa keshokutwa kwenye dimba la Taifa itahusisha timu kutoka nchini Kenya, Bandari Fc dhidi ya K. Sharks
Hii itakuwa mara ya pili kwa timu za Kenya kukutana katika mchezo wa fainali michuano hiyo ikifanyika nchini Tanzania
Katika msimu wake wa kwanza, AFC Leopards na Gor Mahia zilicheza mchezo wa fainali kwenye dimba la Taifa
