Kikosi cha mabingwa wa soka Tanzania Bara Simba leo kinashuka katika uwanja wa Taifa kuikabili Bandari Fc kwenye mchezo wa nusu fainali ya michuano ya SportPesa Cup
Mchezo huo unatarajiwa kupigwa saa nane mchana
Simba inayopewa nafasi kubwa ya kulibakisha taji hilo hapa nchini baada ya mabingwa watetezi Gor Mahia kuondolewa, inaweza kutangulia fainali mapema tu
Kocha Mkuu wa Simba Patrick Aussems anatarajiwa kutumia kikosi chake cha kwanza kama alivyofanya kwenye mchezo wa robo fainali dhidi ya AFC Leopards ambapo Simba iliibuka na ushindi wa mabao 2-1
Aidha mshambuliaji Sadney Urikhob aliyetokea nchini Namibia ambaye anafanya majaribio katika klabu ya Simba, anatarajiwa kucheza katika mchezo huo
Juzi Simba iliwajaribu wachezaji wengine wawili beki Lamine Moro na mshambuliaji Hunlede Kisimbo.
Lamine Mghana aliyetoka Buildcon ya Zambia alionyesha uwezo mzuri na ana nafasi ya kuongezwa katika kikosi cha Simba kinachoshiriki michuano ya ligi ya mabingwa
