Michuano ya SportPesa Super Cup inaanza leo lakini mabingwa wa Tanzania Bara Simba wao watashuka dimbani kesho Jumatano kuikabili AFC Leopards
Kocha Mkuu wa Simba Patrick Aussems amepania kutumia michuano hii kukiandaa kikosi chake kinachotarajiwa kwenda nchini Misri punde baada ya michuano kumalizika Januari 27 kuikabili Al Ahy
Baada ya kurejea kutoka Congo usiku wa kuamkia jana, moja kwa moja kikosi cha Simba kilielekea kambini kujiwinda na mchezo wa kesho
Baada ya kufungwa mabao 5-0 na Vita Club juzi, Simba inahitaji kurudisha imani ya mashabiki wake kwa kushinda mchezo wa kesho na kikubwa zaidi ni kuhakikisha ubingwa wa michuano hiyo unakwenda Msimbazi
Ni mchezo ambao Simba haitakuwa na masihara, bila shaka Aussems atashusha 'full mziki' kuikabili AFC Leopards inayoshika nafasi ya 12 kwenye msimamo wa ligi kuu ya Kenya
Simba inahitaji ushindi katika mchezo huo kwani matokeo tofauti na ushindi yatashusha morali ya wachezaji na hata mashabiki ambao wamekuwa chachu ya mafanikio ya mabingwa hao kutokana na sapoti wanayotoa
