Tukikosa ubingwa msimu huu viongozi tujitafakari - Manara

Mkuu wa Kitengo cha Habari klabu ya Simba Haji Manara amesema viongozi wanapaswa kujitafakari kama klabu hiyo itaukosa ubingwa wa ligi kuu ya Vodacom msimu huu.

Manara amesema mwaka huu Simba ina kikosi imara kwani imekamilika kila idara na ina wachezaji wengi wanaoweza kuisaidia timu wakitokea benchi.

Amesema baada ya kuukosa ubingwa kwa misimu mitano, huu ndio mwaka wa Simba kutwaa kila taji Tanzania Bara pia kufanya vizuri kwenye michuano ya kombe la shirikisho Barani Afrika.

Manara amesisitiza kama Simba itashindwa kufikia malengo hayo basi wao kama viongozi watapashwa kujitafakari kama wanastahili kuendelea na nyadhifa zao.