Mwekezaji wa klabu ya Simba Bilionea Mohammed Dewji 'MO' amekuwa mshabiki wa Simba kwa miaka mingi. Mwenyewe amesema alianza kuishabikia Simba akiwa na umri wa miaka minne.
Mo anasema amebahatika kuzaliwa katika familia ya Wana Msimbazi kwani kuanzia babu yake mpaka watoto wake wote ni mashabiki wa Simba
"Nilianza kuishabiki Simba nikiwa na umri wa miaka minne. Kipindi hicho hakuna TV tulikuwa tukisikiliza mpira kupitia redio"
"Mwaka 2003 nikiwa mdhamini wa Simba mafanikio tuliyoyapata ni kuwa timu ya kwanza kwa ukanda wa Afrika Mashariki na kati kuifunga klabu bingwa ya Afrika wakati huo Zamalek ya Misri. Na ushindi huo unabaki kuwa moja ya mafanikio makubwa katika historia ya klabu yetu."
"Lengo langu ni kuifanya Simba kuwa timu yenye mafanikio sio Tanzania tu na Afrika Mashariki, bali ukanda wote wa Afrika"
Tayari uwekezaji wake katika klabu ya Simba ndani ya misimu miwili umekuwa na mafanikio makubwa
Msimu uliopita Simba ilitwaa ubingwa wa ligi kuu kwa mara ya kwanza baada ya kuukosa kwa misimu minne.
Msimu huu mafanikio yamekuwa makubwa zaidi baada ya kufuzu kwa hatua ya makundi ya michuano ya ligi ya mabingwa
Simba imedhamiria kutinga hatua ya robo fainali ya michuano hiyo
