Msemaji wa klabu ya Simba Haji Manara amesema kikosi cha mabingwa hao wa Tanzania Bara kimeelekea nchini Congo kupambana wakitambua wana jukumu la kitaifa
Manara amesema wanatambua mchezo dhidi ya AS Vita Club hautakuwa mwepesi, watacheza kwa kuwaheshimu wapinzani wao lakini hawatawaogopa
"Hatuendi Congo kuuza sura wala kucheza Ndombolo, tunakwenda kwa sababu nchi imetutuma na Rais katuagiza," amesema Manara
"Tunakwenda huku tukijua Wanasimba na Watanzania nini wanataka. Sisi ni Simba na sio Mafisi, tutacheza kwa kuwaheshimu AS Vita bila kuwaogopa"
Tayari kikosi cha Simba kimeondoka kuelekea Jamhuri ya Kidemokrasia ya Congo kuikabili Vita Club katika mchezo ambao Simba itahitaji ushindi au hata matokeo ya sare yatafaa
ADVERTISE HERE
