Kocha Mkuu wa Simba Patrick Aussems amewataka mashabiki wa mabingwa hao wa Tanzania Bara kujitokeza kwa wingi kesho uwanja wa Yaifa kuwaunga mkono wachezaji wa timu hiyo watakapokuwa wanasaka alama tatu muhimu dhidi ya JS Sauora katika mchezo wa kwanza wa ligi ya mabingwa hatua ya makundi, kundi D.
Aussems amesema amewaandaa wachezaji wake kushinda mchezo huo wa kesho. Anaamini uwepo wa mashabiki wengi uwanjani utaongeza chachu ya ushindi kwa kikosi chake
"Mipango yetu kuwapa raha mashabiki, mechi hizi ni ngumu na lazima tujifue vyema kuhakikisha tunashinda
"Tutakuwa nyumbani ni muhimu kupata matokeo mazuri kabla ya kwenda kucheza ugenini.
"Mashabiki wetu wasiwe na hofu kabisa na waje uwanjani kwa wingi kuwapa hamasa wachezaji kwani, uwepo wao ni muhimu sana kwetu," amesema Aussems
Simba imekuwa ikijifua katika uwanja wa Boko Veterans kujiandaa na mchezo huo wa ufunguzi wa hatua ya makundi msimu huu
Licha ya kumkosa kiraka Erasto Nyoni, Kocha Aussems atamtumia Mganda Juuko Murshid sambamba na Paschal Wawa katika safu ya ulinzi.
Tangu juzi Aussems amekuwa akiwatumia wachezaji hao pamoja katika mazoezi ya mabingwa hao wa kihistoria Afrika Mashariki.
JS Sauora imewasili nchini usiku wa kuamkia leo tayari kwa mchezo huo ambao hakuna shaka utakuwa mgumu sana kwa upande wao kutokana na uimara wa kikosi cha Simba hasa kinapocheza kwenye dimba la Taifa
