Kikosi cha mabingwa wa soka Tanzania Bara Simba leo saa mbili na robo usiku kinashuka katika dimba la Amaan kuikabili Malindi Fc kwenye mchezo wa nusu fainali ya kombe la Mapinduzi
Baadhi ya wachezaji wa kikosi cha kwanza wamebaki visiwani Zanzibar wakisubiri mchezo huo ambapo wameongezewa nguvu na wachezaji kutoka timu ya vijana ya Simba.
Kocha Mkuu wa Simba Patrick Aussems ameipa kipaumbele michuano hiyo na kama Simba itafanikiwa kutinga fainali, ameahidi kukirudisha Zanzibar kikosi cha kwanza baada ya mchezo dhidi ya JS Sauora
Aidha baada ya mchezo wa leo, baadhi ya wachezaji watasafirishwa kwenda Dar kuwahi mchezo wa ligi ya mabingwa dhidi ya JS Sauora utakaopigwa kesho Jumamosi kwenye uwanja wa taifa.
ADVERTISE HERE
