Keshokutwa Jumamosi, Januari 12 2019 mabingwa wa soka Tanzania Bara Simba watashuka katika dimba la Taifa kuikabili JS Sauora kwenye mchezo wa kwanza wa ligi ya mabingwa kundi D.
Msemaji wa klabu ya Simba Haji Manara amewataka mashabiki watakaofika uwanjani kuushuhudia mchezo huo kuhakikisha wananunua jezi halisi za Simba
Uongozi wa Simba umeshusha bei ya jezi zake kutoka Tsh 25,000/- mpaka Tsh 15,000/- ili kuwawezesha Wana Msimbazi wengi kuweza kuzinunua na keshokutwa kwenda kuupendezesha uwanja wa Taifa kwa rangi jeupe na nyekundu
"Tunakuhitaji wewe mshabiki uje ukiwa umevaa jezi Original ya Simba,nunua kwa mawakala wetu halisi,epuka kununua jezi feki," amesema
"Bei ni ubwete sh 15,000 tu toka 25,000. Sisi hatuwaombi Pesa wala hatuchangishi michango tunawaomba mnunue jezi za klabu yenu na mje kutushangilia Jumamosi"
Simba imerejea jana kutoka visiwani Zanzibar na moja kwa moja ikaingia kambini kufanya maandalizi ya mwisho kuelekea mchezo huo unaosubiriwa kwa hamu na Wana Msimbazi
