Kocha Mkuu wa Azam Fc Hans van Pluijm ameitabiria Simba kuwa itafika mbali kwenye michuano ya ligi ya mabingwa barani Afrika, Jumamosi ikianza kucheza mchezo wake wa kwanza wa hatua ya makundi dhidi ya JS Sauora ya Algeria.
Pluijm ambaye kikosi chake kimetinga nusu fainali ya michuano ya kombe la Mapinduzi kama ilivyo kwa Simba, amesema mabingwa hao wa Tanzania Bara wana kikosi imara kinachoweza kufanya mambo makubwa msimu huu.
"Simba ina kikosi imara sana. Ina wachezaji wazuri wenye uwezo mkubwa, wachezaji wenye uzoefu wa michuano mikubwa Afrika, nadhani wanaweza kufika mbali katika michuano ya ligi ya mabingwa," amesema Pluijm
"Wanachotakiwa kufanya ni kuhakikisha wanatumia vyema uwanja wa nyumbani kwa kushinda michezo yao yote. Wahakikishe wanafunga mabao mengi nyumbani"
Simba imepangwa kundi D pamoja na Al Ahly, AS Vita na JS Sauora.
Januari 12 itacheza nyumbani dhidi ya JS Sauora, Jan 19 itasafiri kwenda DR Congo kuikabili AS Vita kisha kuelekea nchini Misri kuikabili Al Ahly mwanzoni mwa mwezi wa pili
