Uongozi wa klabu ya Simba kupitia kwa msemaji wake Haji Manara umesema kuwa taarifa rasmi kuhusu kiraka Erasto Nyoni aliyeumia jana visiwani Zanzibar wakati akiitumikia Simba kwenye michuano ya kombe la Mapinduzi, zitatolewa kesho
Manara amesema taarifa zilizosambaa leo kuwa Nyoni atakuwa nje kwa wiki tatu si rasmi kwa kuwa hazikutolewa na uongozi wa Simba.
Manara amesema taarifa sahihi zitatolewa kesho kwenye Mkutano na Waandishi wa habari ambao awali ulikuwa ufanyike leo lakini umeahirishwa.
"Kuna taarifa za upotoshwaji zinazoendelea kusambazwa mitandaoni juu ya majeraha aliyoyapata beki wetu Erasto Nyoni kwenye mchezo wa dhidi ya KMKM uliochezwa jana.
"Nyoni anaendelea na vipimo zaidi leo hapa Dar es Salaam na taarifa ya ukubwa wa jeraha lake na aina ya tiba atakayopata itatolewa na Msemaji wa Klabu katika mkutano na waandishi wa habari ambao utafanyika kesho Jumanne saa 7:00 mchana," imesema taarifa ya Simba
