Mabingwa wa soka Tanzania Bara Simba leo asubuhi wamejifua katika uwanja wa Amaan visiwani Zanzibar kujiandaa na mtanange wa kombe la Mapinduzi dhidi ya Chipukizi Fc.
Simba iliwasili visiwani Zanzibar jana ikiwa na kikosi chake kamili.
Kocha Mkuu wa Simba Patrick Aussems alisema watatumia mchezo huo kama sehemu ya maandalizi ya mchezo wao wa ligi ya mabingwa dhidi ya JS Souara utakaopigwa Jumamosi, Januari 12 2019
Hapo kesho Chipukizi Fc itakuwa na kazi ya ziada kuwakabili vijana wa Aussems ambao wameiva hasa kwa ajili ya mchezo wa ligi ya mabingwa
Wazanzibar wanausubiri kwa hamu mchezo huo ambapo wengi wamepangawishwa na uwepo wa washambuliaji 'pacha' watatu wa Simba, Meddie Kagere, Emmanuel Okwi na John Bocco.
Jana Kagere alipata wakati mgumu Simba ilipowasili Bandarini ambapo mashabiki wengi 'walimgombania' wakitaka wapige nae picha.
